| 各位街坊朋友仔... 我既新玩具 ~ 泰國貴妃椅一張 係咪好靚呢???
  |
| |
| 各位朋友仔...王小K會係2/9-6/9 繼續新一輯既《向世界出發》 國家係 : 我郷下....估下啦 返黎先講有咩得意野啦 |
| |
| 唔經唔覺已經做左住家男人半年咁耐 唔經唔覺已經又冇打理xanga半年咁耐 唔經唔覺又係上海灘做左2個半年咁耐 最慘係...唔經唔覺又肥左20磅咁多....死未 |
| |
| 由２月２號開始。。變身做一個全能住家男人..... |
| |
| 由11月開始睇左 28/11 暴劫現場 The Kingdom ~ 場面好震撼.完全感受到恐怖份子既威力.同埋係第三世界內心既不安. 24/12 魔幻羅盤 Golden Compass ~ 如果有童心當Harry Porte睇既話會好好睇.(Ice Bear好得) 04/01 異獸戰 Aliens VS Predator 2 ~ 完全係將 《異型》《侏羅紀公園》《魔蟲口入》《德州電鋸大屠殺》炒埋一碟.笑片一套 06/01 藍莓之夜 My Blueberry Night ~ 王家衛永遠都係最好.完全係一套西洋版《重慶森林》.JudyLaw靚仔.Norah Jones靚得黎平凡.經過重重經歷.終於自然係埋一齊.Sweet ~ 07/01 魔間傳奇 I Am Legend ~ 開場已經估到結局.但Will Smith完全可以將戲入面成個世界只有佢既淒寞感演繹出.一個字 ~ 勁 . p.s. 佢隻狗勁得意 08/01 愛.誘.罪 Atonement ~ 一套好原始既法國電影.橋段完全係一樣.男主角同女主角因誤會而分開.但大家都深愛對方.之後永遠都係講法國打仗.d人又有幾慘.之後又係一樣既結局.咪就係『冚包散』.但係呢套戲.值得一睇.因為...都要一路睇一路諗野... |
| |
